«Հայաստանի տուրիստական ծառայություններ մատուցողների միություն» հասարակական կազմակերպությունը (այսուհետ` Կազմակերպություն) Հայաստանի Հանրապետության քաղաքացիների, օտարերկրյա պետությունների քաղաքացիների և քաղաքացիություն չունեցող անձանց (այսուհետ` ֆիզիկական անձ) և իրավաբանական անձանց ՝ իրենց ոչ կրոնական հոգևոր և ոչ նյութական այլ պահանջմունքները բավարարելու և հանրօգուտ գործունեություն իրականացնելու նպատակներով ստեղծված հասարակական միավորում է, որն ունի ոչ առևտրային կազմակերպության կարգավիճակ։
Կազմակերպության գործունեության սկզբունքներն են օրինականությունը, խտրականության բացառումը, բարեխղճությունը, անդամության կամավորությունը, անդամների շահերի ընդհանրությունը, ինքնակառավարումը և հաշվետվողականությունը:
Կազմակերպությունը գործում է Հայաստանի Հանրապետության Սահմանադրության, օրենսդրության, այլ նորմատիվ իրավական ակտերի, Հայաստանի Հանրապետության միջազգային պայմանագրերի և սույն կանոնադրության հիման վրա:
Կազմակերպությունը գործում է Հայաստանի Հանրապետության ողջ տարածքում և արտասահմանյան երկրներում՝ այդ երկրների օրենսդրությանը համապատասխան։
Կազմակերպության գործունեության առարկան և նպատակները
Կազմակերպության գործունեության առարկան է ի շահ Հայաստանի Հանրապետության զբոսաշրջային գրավչության` զբոսավարների, ուղերցորդների, վարորդների և զբոսաշրջային ոլորտում գործող այլ ֆիզիկական և իրավաբանական անձանց իրավունքների պաշտպանությունը և մասնագիտական որակավորման ապահովումը։
Կազմակերպության գործունեության նպատակները և խնդիրներն են
1․ Հանրապետության տարածքում զբոսաշրջային բարձր որակի ծառայությունների ապահովումը։
2․ Զբոսավարների, ուղեկցորդների, վարորդների և զբոսաշրջային ոլորտում գործող այլ ֆիզիկական և իրավաբանական անձանց ազատ գործունեության և իրավունքների ապահովումը և պաշտպանությունը պետական և մասնավոր ապօրինի ներգործությունից։
3․ Զբոսավարների, ուղեկցորդների, վարորդների և զբոսաշրջային ոլորտում գործող այլ ֆիզիկական և իրավաբանական անձանց իրավունքների պաշտպանությամբ զբաղվող հանրային կառույցների աշխատանքի մշտադիտարկումը և գնահատումը։
4. Զբոսաշրջության ոլորտում կոռուպցիոն ռիսկերի բացառումը և սպառողների իրավունքների պաշտպանությունը՝ զբոսաշրջային ոլորտի մասնագիտական որակի սահմանման գործընթացին աջակցության և մասնակցության միջոցով։
5․ Զբոսավարների, ուղեկցորդների, վարորդների և զբոսաշրջային ոլորտում գործող այլ ֆիզիկական և իրավաբանական անձանց մասնագիտական ազատ որակավորման ապահովումը, այդ գործընթացի թափանցիկության և վստահելիության ապահովումը:
6․ Զբոսավարների, ուղեկցորդների, վարորդների և զբոսաշրջային ոլորտում գործող այլ ֆիզիկական և իրավաբանական անձանց գործունեության և իրավունքների հետ կապված գործընթացների մշտադիտարկումը, գնահատումը, և/կամ կանխարգելումն ու բողոքարկումը։
Իր նպատակներն իրականացնելու համար օրենքով սահմանված կարգով Կազմակերպությունը կարող է
1․ իրականացնել զբոսաշրջային ոլորտում առկա խնդիրների դիտարկում և հանդես գալ նրանց գնահատականներով։
2․ ամրագրել, ուսումնասիրել և հանրայնացնել Հայաստանի Հանրապետության տարածքում զբոսաշրջային ոլորտում գործող ֆիզիկական և իրավաբանական անձանց իրավունքների ապահովման և դրանց խախտման դեպքերը։
3․ ներգրավել պատկան պետական և մասնավոր մարմիններին զբոսաշրջային ոլորտում գործող ֆիզիկական և իրավաբանական անձանց իրավունքների ապահովման աշխատանքներում և գնահատել այդ ուղղությամբ նրանց կատարած աշխատանքը։
4․ առաջարկել ՀՀ կառավարությանը, պետական և մասնավոր մարմիններին զբոսավարների, ուղեկցորդների, վարորդների և զբոսաշրջային ոլորտում գործող այլ ֆիզիկական և իրավաբանական անձանց որակավորման չափորոշիչները և մասնակցել դրանց սահմանման հանրային քննարկումներին, որակավորման համապատասխան մարմնի աշխատանքներին, մասնագիտական համապատասխան եզրակացության հիման վրա բողոքարկել որակավորման մարմնի որոշումները։
5․ սահմանել միջանկյալ կարգավիճակ կամ բողոքարկել զբոսաշրջության ծառայություններ մատուցող ֆիզիկական կամ իրավաբանական անձի տուգանումը, աշխատանքի կասեցումը կամ արգելքը մինչեւ դատարանի կամ մասնագիտական հատուկ հանձնաժողովի որոշումը։
6․ կոռուպցիոն ռիսկերի բացառման և սպառողների իրավունքների պաշտպանության նպատակով համապատասխան փորձագետների մասնակցությամբ բողոքների առկայության դեպքում վերստուգել ֆիզիկական և իրավաբանական անձանց որակավորումը և տալ իր եզրակացությունը։
7․ Հայաստանի Հանրապետության տարածքում զբոսաշրջային բարձր որակի ծառայությունների ապահովման նպատակով ոլորտի փորձառու և հայտնի մասնագետների ներգրավմամբ անցկացնել որակավորման կամ վերավորակավորման դասընթացներ՝ համապատասխան փաստաթղթերի տրամադրմամբ։
8․ Հայաստանի Հանրապետության տարածքում հիմնել և զարգացնել տեղեկատվական կենտրոններ և փաստահավաք խմբեր։
9․ հաստատել գործընկերային հարաբերություններ իրավաբանական, հոգեբանական և մասնագիտական ինչպես պետական, այդպես էլ մասնավոր անձանց, կառույցների և կազմակերպությունների հետ։
10․ ունենալ միջազգային կապեր, անդամակցել միջազգային ոչ կառավարական և ոչ առևտրային կազմակերպությունների հետ, կնքել համաձայնագրեր և պայմանագրեր օտարերկրյա ու միջազգային կազմակերպությունների հետ։
11․ կազմակերպել և իրականացնել Հայաստանում հավատարմագրված արտասահմանյան կազմակերպությունների և դիվանագիտական առաքելությունների հետ համատեղ ծրագրեր և միջոցառումներ՝ զբոսաշրջային ոլորտում գործող ֆիզիկական և իրավաբանական անձանց իրավունքների ապահովման և ազատ գործունեության պաշտպանության շրջանակներում։
12․ ՀՀ օրենսդրությամբ սահմանված կարգով հիմնել լրատվության միջոցներ, զանգվածային լրատվության միջոցներով տեղեկատվություն տարածել սեփական գործունեության և Հայաստանում զբոսաշրջության ոլորտի վերաբերյալ։
13․ իրականացնել հումանիտար նպատակներով սոցիալապես անապահով խավերի աջակցող ծրագրեր, օժանդակել այդպիսի ծրագրերին։
14․ ՀՀ օրենսդրությամբ սահմանված կարգով իր աշխատանքներում ներգրավել կամավորների։
Կազմակերպությունն իրավունք ունի իր կանոնադրությամբ սահմանված նպատակներին համապատասխան իրականացնել ձեռնարկատիրական գործունեություն, այդ նպատակով տնօրինելու իր գույքը և գործունեության արդյունքները, ինչպես նաև օրենքով սահմանված կարգով ստեղծելու առևտրային կազմակերպություն կամ դառնալ նրա մասնակից:
