Հասարակական կազմակերպության մասին

ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ՄԱՍԻՆ

«Հայաստանի տուրիստական ծառայություններ մատուցողների միություն» (կրճատ՝ Տուրմիություն) հասարակական կազմակերպության գործունեությունն է ի շահ Հայաստանի Հանրապետության զբոսաշրջային գրավչության` զբոսավարների, ուղեկցորդների, վարորդների և զբոսաշրջային ոլորտում գործող այլ ֆիզիկական և իրավաբանական անձանց իրավունքների պաշտպանությունը և մասնագիտական որակավորման ապահովումը։

Կազմակերպության հիմնադիր ժողողը տեղի էր ունեցել 2024 թվականի հունվարի 17-ին, ՀՀ ԱՆ իրավաբանական անձանց գրանցման ռեգիստրում փաստաթղթերի գրանցումից առաջ նախաձեռնությանը միացել էր արդեն 32 քաղաքացի։ Հասարակական կազմակերպությունը գրանցվել է ՀՀ Արդարադատության նախարարության իրավաբանական անձանց պետական ռեգիստրում 2024 թվականի փետրվարի 5-ին։ 2025 թվականի ապրիլի 8-ին հաստատվել է Կանոնադրության նոր խմբագրությունը։

2025 թվականի դեկտեմբերի 1-ի դրությամբ հասարակական կազմակերպությանն անդամակցում է Հայաստանի զբոսաշրջային ոլորտի 67 ներկայացուցիչ։

Կազմակերպության կառավարման մարմիններն են` Համաժողովը և գործադիր մարմինը՝ Նախագահը։ Վերջինս նշանակում է և/կամ հաստատում Կազմակերպության գործունեության կառավարման և համակարգման մարմիններ, խորհրդակցական և մասնագիտական խմբեր։ Նախագահին կից գործում են նաև Խորհուրդը և երեք Կոմիտե:

ՀԱՄԱԺՈՂՈՎ

Կազմակերպության գործունեության և կառավարման ցանկացած հարցի վերջնական լուծման իրավունքը պատկանում է Կազմակերպության բարձրագույն մարմնին` Համաժողովին:

ԻՐԱՎԱՍՈՒԹՅՈՒՆ

Կազմակերպության կանոնադրության հաստատումը, փոփոխումը, լրացում կատարելը և նոր խմբագրությամբ կանոնադրության հաստատումը։⋅
Այլ իրավաբանական անձի ստեղծման կամ այլ կազմակերպությունում Կազմակերպության մասնակցության մասին որոշման ընդունումը։
Կազմակերպության առանձնացված ստորաբաժանումներ կամ հիմնարկներ ստեղծելու և դրանց կանոնադրությունները հաստատելու մասին որոշումների ընդունումը։
Կազմակերպության կառուցվածքի հաստատումը։
Անդամավճարի չափի և վճարման կարգի սահմանումը։
Կազմակերպության Նախագահի ընտրությունը, փոփոխումը և լիազորությունների վաղաժամկետ դադարեցումը։
Կազմակերպության Նախագահի վարձատրության կարգի և պայմանների սահմանումը։
Երեք տարին մեկ անգամ, Նախագահի կողմից Համաժողովի գումարմանը նախորդող տարիների ընթացքում հաստատված՝ Կազմակերպության գործունեության և գույքի օգտագործման տարեկան հաշվետվությունների հաստատումը։
Կազմակերպության մարմինների` իրավական ակտերի պահանջներին և կանոնադրությանը հակասող որոշումների գործողության դադարեցումը։
Կազմակերպության վերակազմակերպման մասին որոշման ընդունումը։
Կազմակերպության լուծարման (բացառությամբ դատարանի վճռով լուծարվելու դեպքերի) մասին որոշման ընդունումը։
Օրենքով նախատեսված այլ լիազորությունների իրականացումը:

ԱՆՑԿԱՑՄԱՆ ԿԱՐԳԸ

Կազմակերպության հերթական Համաժողովը անցնացվում է երեք տարին մեկ: Այն հրավիրում է Նախագահը՝ անդամների համատեղ հավաքի ձևով կամ եթե դա հնարավոր չէ, ապա հեռակա կարգով՝ (հեռահաղորդակցության միջոցների կիրառմամբ)՝ կազմելով համապատասխան արձանագրություն:՛
Կազմակերպության արտահերթ Համաժողով հրավիրվում է Նախագահի կամ
Կազմակերպության անդամների առնվազն մեկ երրորդի նախաձեռնությամբ՝ Նախագահի կողմից:
Համաժողովը կարող է հարցեր քննարկել և որոշումներ ընդունել, եթե նրան մասնակցում են Կազմակերպության բոլոր անդամների կեսից ավելին: Հարցերի քննարկման ժամանակ որոշումներն ընդունվում են կազմակերպության բոլոր անդամների ձայների պարզ մեծամասնությամբ:

ՆԱԽԱԳԱՀ

Կազմակերպության գործադիր մարմինը կազմակերպության նախագահն է։ Նա գործում է Կազմակերպության կանոնադրությանը և Համաժողովի որոշումներին համապատասխան

ԻՐԱՎԱՍՈՒԹՅՈՒՆՆԵՐԸ

Ապահովում է Համաժողովի որոշումների կատարումը։
Տնօրինում և կառավարում է Կազմակերպության ցանկացած տեսակի և չափի գույքը, այդ թվում՝ ֆինանսական միջոցները։
Գործարքներ է կնքում Կազմակերպության անունից։
Ներկայացնում է Կազմակերպությունը Հայաստանի Հանրապետությունում և օտարերկրյա պետություններում։
Տալիս է լիազորագրեր։
Բանկերում բացում է Կազմակերպության հաշվարկային (այդ թվում` արտարժութային) և այլ հաշիվներ։
Իր իրավասության սահմաններում արձակում է հրամաններ, հրահանգներ, կատարման համար տալիս է պարտադիր ցուցումներ և վերահսկում դրանց կատարումը։
Հաստատում է կազմակերպության հաստիքացուցակը և տարեկան ծախսերի նախահաշիվը։
Հաստատում է Համաժողովի գումարմանը նախորդող տարիների Կազմակերպության, ինչպես նաև նրա մարմինների գործունեության և գույքի օգտագործման տարեկան հաշվետվությունները, որոնք 3 տարին մեկ ներկայացնում է Համաժողովի հաստատմանը։
Հաստատում է Կազմակերպության գործունեությունը կանոնակարգող ներքին փաստաթղթերը, այդ թվում՝ նրա առանձնացված ստորաբաժանումների, հիմնարկների ներքին կարգապահական և այլ կանոնները։
Ընդունում է Կազմակերպության անդամ և հեռացնում Կազմակերպության անդամությունից։
Իրականացնում է օրենքով և Կազմակերպության կանոնադրությամբ իրեն վերապահված այլ լիազորություններ:

ԳՈՐԾԱՌՈՒՅԹՆԵՐԸ

Ընտրվում է Համաժողովի կողմից երեք տարի ժամանակով: Նախագահը ղեկավարում է կազմակերպության գործունեությունը և վարում Համաժողովի նիստերը:
Իրավասությունները ներառում են Կազմակերպության ընթացիկ գործունեության կառավարման, ինչպես նաև Կազմակերպության կառավարման մարմինների գործունեությունն ապահովելուն ուղղված բոլոր հարցերը:

ԽՈՐՀՈՒՐԴ

Նախագահին կից գործող խորհրդակցական մարմինն է, որը մշակում է Կազմակերպության մարտավարությունը, իրականացնում և վերահսկում Համաժողովի և Նախագահի որոշումների կատարումը։
Խորհուրդում ներկայացված են թե ֆիզիկական և թե իրավաբանական անձինք՝ համամասնության սկզբունքով։
Խորհրդի անդամները նշանակվում են Նախագահի կողմից և ներկայացնում են Կազմակերպության նախագահին ներքին հարցերում և արտաքին կապերում։
Իրավաբանական անձանց խորհրդում ներկայացնում են տնօրենները կամ լիազոր ներկայացուցիչները։

Կանոնադրական նպատակներն ու խնդիրներն իրականացնելու, Կազմակերպության գործունեության արդյունավետությունը բարձրարցնելու նպատակով Կազմակերպության Նախագահի հրամանով ստեղծվել են մասնագիտական և հատուկ նշանակության «Որակավորման», «Տեղեկատվական» և «Իրավական» հանձնաժողովներ, սահմանվել «Քարտուղարություն» և «Հաշվապահություն» ծառայությունները։

ԻՐԱՎԱԿԱՆ ՀԱՆՁՆԱԺՈՂՈՎ

Զբաղվում է մասնագիտական գործունեության հետ կապված՝ Կազմակերպության անդամների իրավունքների պաշտպանությամբ

ՈՐԱԿԱՎՈՐՄԱՆ ՀԱՆՁՆԱԺՈՂՈՎ

Փորձագիտական չափորոշիչների հիման վրա իրականացնում է կազմակերպության անդամների որակավորում, մասնագիտական վերապատրաստում, որակավորման և վերապատրաստման հետ կապված աշխատանքների կազմակերպում

ՏԵՂԵԿԱՏՎԱԿԱՆ ՀԱՆՁՆԱԺՈՂՈՎ

Զբաղվում է Կազմակերպության գործունեության, Հայաստանի և միջազգային զբոսաշրջության վերաբերյալ տեղեկատվության հանրայնացմամբ, Հայաստանի տուրիստական գրավչության բարձրացման ուղղությամբ տեղեկատվության պատրաստմամբ դրանք հրապարակում է տեղական և միջազգային հարթակներում

ԳՈՐԾՈՂ ՂԵԿԱՎԱՐ ՊԱՇՏՈՆՅԱՆԵՐ

Նախագահ՝ Բագրատ Մովսեսյան
Փոխնախագահ՝ Հակոբ Գորգինյան

Խորհուրդ՝ Մարիետա Գրիգորյան, Պարույր Գրիգորյան, Գոռ Զաքարյան, Կարինե Փանոսյան, Վազգեն Ֆրանգուլյան, Դավիթ Բախշիյան, Գոհար Նիկողոսյան, Արմեն Ասլանյան

❗ՏԵՍ ՆԱԵՎ

✅ ԿԱԶՄԱԿԵՐՊՈՒԹՅԱՆ ԳՈՐԾՈՒՆԵՈՒԹՅՈՒՆԸ

✅ ԿԱԶՄԱԿԵՐՊՈՒԹՅԱՆ ԻՐԱՎԱՍՈՒԹՅՈՒՆՆԵՐԸ

✅ ԿԱԶՄԱԿԵՐՊՈՒԹՅԱՆ ԱՆԴԱՄՈՒԹՅՈՒՆԸ